RSC ബുക്ക് ടെസ്റ്റ്; പുസ്തകം പ്രകാശനം ചെയ്തു.

മൻസൂർ പള്ളൂർ പി കെ എം സഖാഫിക് കോപ്പി നൽകുന്നു

ദമ്മാം: ഗൾഫിൽ RSC നടത്തുന്ന വിജ്ഞാന പരീക്ഷ ‘ബുക്ക് ടെസ്റ്റ്-2017’ നുള്ള പുസ്തകം ‘മുഹമ്മദ്‌ (സ്വ) ദ ലാസ്റ്റ് പ്രോഫറ്റ്’ രണ്ടാമത്‌ എഡിഷൻ ദമ്മാമിൽ പ്രകാശനം ചെയ്തു. പ്രമുഖ എഴുത്തുകാരനും മാധ്യമ നിരീക്ഷകനുമായ മൻസൂർ പള്ളൂർ, സുന്നി യുവജന സംഘം സംസ്ഥാന ഉപാധ്യക്ഷൻ പി കെ എം സഖാഫി ഇരിങ്ങല്ലൂരിന്‌ കോപ്പി നൽകിയാണ്‌ നിർവഹിച്ചത്‌. പ്രവാചക ജീവിതത്തെ അധികരിച്ച്‌ രിസാല സ്റ്റഡി സർക്കിൾ ഗൾഫിലുടനീളം നടത്തുന്ന പത്താമത്‌ ബുക്‌ടെസ്റ്റാണിത്‌. ഈ വർഷം അമേരിക്കൻ എഴുത്തുകാരനായ
ഇമാം വഹബി ഇസ്‌മാഈൽ രചിച്ച ‘മുഹമ്മദ്‌ (സ്വ) ദ ലാസ്റ്റ് പ്രോഫറ്റ്’ എന്ന പുസ്തകത്തിന്റെ മലയാള വിവര്‍ത്തനമാണ്‌ ബുക്ടെസ്റ്റിന്‌ ആസ്പദിക്കുന്നത്‌.

അമേരിക്കൻ പൗരനായ ഹസൻ മകൾ ഫാതിമക്ക് പറഞ്ഞുകൊടുത്ത പ്രവാചക കഥകളാണ് മുഹമ്മദ്‌ (സ്വ)ദ ലാസ്റ്റ് പ്രൊഫറ്റ്. മുപ്പത്തിരണ്ട് രാവുകളിലേക്ക് നീണ്ട ആ കഥകൾ ഫാതിമക്ക് ഒന്നിനൊന്ന് മധുരിച്ചു. എ പി കുഞ്ഞാമുവാണ്‌ വിവർത്തകൻ.

ജനറൽ ,സ്റ്റുഡന്റസ് വിഭാഗങ്ങളിലായി നടത്തുന്ന ബുക്ക് ടെസ്റ്റ് ഇപ്രാവശ്യം മലയാളം ,ഇംഗ്ലീഷ് എന്ന രണ്ടു കാറ്റഗറിയിൽ രണ്ടു പുസ്തകങ്ങളെ അധികരിച്ചാണ് നടക്കുക. മലയാളം വിഭാഗത്തിൽ പ്രായ വ്യത്യാസമില്ലാതെ ഏതു രാജ്യത്തുള്ളവർക്കും പങ്കെടുക്കാം. ‘നോ ദി പ്രൊഫറ്റ്‌ (സ); ഫീൽ ദ വണ്ടർ’ എന്ന പുസ്തകമാണ്‌ വിദ്യാർത്ഥികൾക്കായി ഇംഗ്ലീഷിൽ‌ തയ്യാറാക്കിയിട്ടുള്ളത്‌.

പുസ്തകത്തോടൊപ്പം ലഭിക്കുന്ന ചോദ്യങ്ങൾക്ക്‌ ഡിസംബർ 9 തിനകം ഓൺലൈനിൽ ഉത്തരങ്ങൾ രേഖപ്പെടുത്തണം. ജനറൽ വിഭാഗത്തിൽ 15 ലധികം മാർക്ക് നേടന്നവരും സ്റ്റുഡന്റ്സ് വിഭാഗത്തിൽ 12 ലധികം മാർക്ക് നേടുന്നവരും രണ്ടാം ഘട്ട പരീക്ഷക്ക്‌ യോഗ്യരാകും. ഡിസംബർ 15 നാണു രണ്ടാം ഘട്ട പരീക്ഷ.

ബുക്ക് ടെസ്റ്റിന് രജിസ്റ്റർ ചെയ്യുന്നതിനും പുസ്തകങ്ങൾ നിബന്ധനയോടെ ഓൺലൈനിൽ വായിക്കുന്നതിനും www.rsconline.com എന്ന വെബ് സൈറ്റ് സന്ദർശിക്കാം.

നാഷനൽ ബുക്ക് ടെസ്റ്റ് ചീഫ് ഷഫീഖ് ജൗഹരി യുടെ നേത്യത്വത്തിലുള്ള സമിതിയാണ് സൗദി ഈസ്റ്റിൽ ബുക്ക്ടെസ്റ്റ് കോഡിനേഷൻ നടത്തുന്നത്. 0537731786, 0550117935, 0501942732 എന്നീ നമ്പറുകളിലും ബന്ധപ്പെടാം.

സൗദി (ഈസ്റ്റ്) നാഷനൽ തല പ്രകാശന ചടങ്ങിൽ അബ്ദുൽ ബാരി നദ്‌വി, സലീം പാലച്ചിറ, ലുഖ്മാൻ വിളത്തൂർ, അബ്ദുസ്സമദ് മുസ്‌ലിയാർ, ഷഫീഖ് ജൗഹരി, അഷ്റഫ് ചാപ്പനങ്ങാടി എന്നിവർ സംബന്ധിച്ചു.

Leave a Reply