RSC : പ്രവാസ യൗവനങ്ങളുടെ സാംസ്‌കാരിക സംഘബോധം
മാനുഷിക ഭാവത്തിന്റെ മഹത്വത്തെയാണ് സംസ്‌കാരം എന്ന് പരികല്‍പ്പിക്കുന്നതെങ്കില്‍, സംസ്‌കാരം ഒരു മുദ്രാവാക്യമായി സ്വീകരിക്കുന്നതിലെ ശരിയാണ് രിസാല സറ്റഡി സര്‍ക്കിള്‍. പ്രവാസ യൗവനങ്ങളുടെ സാംസ്‌കാരിക സംഘബോധം എന്നതാണ് സംഘടനയുടെ പ്രമേയവാക്യം. സംസ്‌കാരത്തെ ആദര്‍ശമായും സംഘാടനത്തെ പ്രബോധനമായും കാണുന്ന ഈ സംഘം നന്മയില്‍ ജീവിക്കാന്‍ ചെറുപ്പക്കാരില്‍ ആത്മവിശ്വാസം ഉണ്ടാക്കുകയാണ്. ക്രയശേഷി വര്‍ദ്ധിച്ച യുവത്വം പ്രതിബദ്ധത തന്നിലേക്കെന്നതിനു പകരം അപരനിലേക്ക് തിരിക്കുന്ന കാഴ്ചയുടെ നിറവില്‍ മൂന്നാം പതിറ്റാണ്ടിന്റെ കര്‍മ തേരിലാണീ സംഘം. രചനാത്മക യൗവനങ്ങള്‍ ലക്ഷ്യമാക്കി ഉയരങ്ങളിലേക്ക് നടന്നു കയറുകയാണ് ആര്‍ എസ് സി.